Tur kos a kuminsá na aña 1952 ora e hulandes hudiu señor Kan a emigrá pa Aruba. E tabata traha komo hoyero i e tabata konosí komo speshalista. Den e temporada ei Aruba tabatin solamente un óptiko operashonal, esta señor Oduber. Un kombinashon di óptika i prenda tabata basta usual den e temporada ei.

 

Na un dado momentu señor Oduber i señor Kan a habri e promé filial di Oduber & Kan na Aruba. Na novèmber 1958 e dosnan e disidí di habri un sukursal na Kòrsou. E tabata na Punda, kaminda tur e pakusnan tabata situá den e temporada ei.

 

Na aña 1979 Optica Oduber & Kan, komo un di e promé pakusnan, a muda di Helfrichplein pa Saliña. Entrante e apertura di e pakus na Saliña e klientenan no mester a bai siudat mas, kaminda tabata hopi difísil pa parker. Nan por a gewon parker nan outo dilant'i porta ora nan a bishitá e óptiko. Ratu ratu diferente otro pakus a muda pa e sitio aksesibel akí.

 

Na aña 1997 Pieter van Thiel a tuma e kompania over. Optica Oduber & Kan ta un nòmber establesí riba e isla ku mas ku 60 aña di eksperensia. Spesialisashon, atenshon pa kliente, moda i un bon ambiente ta forma e totalidat di nos empresa.